தனது பிறந்த நாளன்று தன் உடல் உறுப்புகளை அரசு மருத்துவமனைக்கு தானமாகத் தருகிறார் நடிகை சோனா.
பூவெல்லாம் கேட்டுப்பார், குசேலன், அழகர் மலை உள்ளிட்ட பல படங்களில் நடித்தவர் கவர்ச்சி நடிகை சோனா. ‘கனிமொழி’ என்ற படத்தை தயாரித்துள்ளார்.
பரபரப்பு நாயகியான இவர் வாழ்க்கையை புத்தகமாகவும், திரைப்படமாகவும் வெளியிடப்போவதாக அறிவித்து, அதற்கான வேலையில் மும்முரமாக உள்ளார்.
வருகிற ஜூன் 1-ஆம் தேதி தனது பிறந்தநாளைக் கொண்டாடுகிறார் சோனா.
கவர்ச்சி நடிகை என்றால் நல்ல விஷயங்கள் செய்யக் கூடாதா என்று கேட்கும் சோனா, ஆண்டு தோறும் ஏதாவது ஒரு நலத் திட்ட உதவி செய்வது வழக்கம்.
இந்த ஆண்டு தனது பிறந்தநாளில் தன்னுடைய உடல் உறுப்புகளை தானம் செய்யவுள்ளாராம். மக்களிடையே உடல் உறுப்பு தானம் பற்றிய விழிப்புணர்வை ஏற்படுத்துவதற்காகவே சோனா இந்த முடிவெடுத்துள்ளாராம்.
